عرفت ان الجو وحش في مصر ... ألف سلامة على أطفالنا .. واعذرونى لقلة البوستات ...🙏 " نصائح ذهبية للتعامل مع الموجة الترابية " ١. كل أم تجمع عيالها وتخبيهم جوا البيت حالاً .. مافيش مدرسة ..! مافيش خروجات..! ما فيش تمشية بره البيت..! ٢. جوا البيت .. هنقفل الشبابيك والبلكونات كويس جداً ... ونكنس التراب اللي دخل في البيت .. وياريت نخط فوط أو ملايات مبلولة على فتحات الشبابيك أو البلكونات عشان ننقى الهوا من التراب. ٣. لو في طفل بيكح وطفل مش بيكح نوزعهم على الأوَض .. ضروري جدا نعالج بسرعه نزلات البرد .. نلبس ماسكات لو في كحة ومضطرين نقعد في نفس الأوضه ..ماتنسوش اننا قافلين الشبابيك ومافيش مصدر تهوية كويس. ٤. محبكتش الاستحمام دلوقتي يا مدام والله ... تغير درجات الحرارة أكتر حاجة بتنتهزها الميكروبات عشان تنتعش.. أقصى حاجه مياه دافيه وفوطه واغسلي وش وعين وأنف طفلك عشان التراب ولو في حفاظات التغيير العادي كفاية اوي. ٥. السوايل الدافية هيا الحل السحري ماتوقفيش ينسون على كراوية على نعناع على تيليو .. تهدى الصدر وتطرد البلغم خاصة لو ابنك بيجيلو حساسية.. ٦. لو في رشح ماتستنيش... محلول ملح ( لايس او اوتريفين) بسرعة كل ساعتين .. وسوايل دافية ان شاء الله كفاية . ٧. اختاري الأكل الخفيف بلاش المسبك والحراق والفلفل الاسود والبهارات اللي ممكن تثير الجهاز التنفسي لطفلك وتخليه يكح .. مش ناقصه هيا (: ٨. بلاش تتقِّلي أوي في اللبس لأطفالك وفجأه تخففي أول ما الموجه الترابية تخلص خير الأمور الوسط. ٩. لمرضى حساسية الأنف لو في رشح توكلوا على الله واستخدمو كلاريتين وبخاخات الكورتيزون للأنف ومحلول الملح. ١٠. حساسية الصدر : ادي جلسة موسع شعب ( فاركولين) إذا لاحظتي على ابنك الأعراض التالية: - كحة مستمرة - نهجان شديد - صوت صفير( تزييق) عالى - ضيق النفس. ربنا يحفظ أولادنا يا رب آمين..

ازى نبنى علاقة قوية و متينة مع اولادنا و يسمعوا كلامنا ؟؟؟

لو ابنك مش بيسمع كلامك ...يبقى المشكلة فى العلاقة و التواصل مابينكوا ... 80 % من التربية ..هى تواصل ... طيب ازى نبنى علاقة قوية و متينة مع اولادنا و يسمعوا كلامنا ؟؟؟ - افضل حاجة هى الوقت المخصص او special time ... - ازى بقى نعمل وقت مخصص للاولاد ...انا بلعب معاهم لما الاقى وقت فاضى . اية تانى المطلوب ؟؟؟ - لا الوقت المخصص دة حاجة كدة تانية خالص ... دة وقت بميعاد مسبق و معلن ...متفقين علية زى انهاردة الساعة 8 الصبح هنعمل وقت مخصص مع بعض .... - هو انا فاضية ... أدى اولادى مواعيد ..!!! - عشر دقايق كل يوم بس لكل طفل لوحده و اظبطيهم على المنبه و لما يرن يكون خلاص الوقت خلص و شوفى اللى وراكى بعدها ...كتير عشر دقايق على ابنك او بنتك ؟؟ - طيب يعنى هلعب عشر دقايق ... ماشى العبهم مسابقة الترتيب ... - حبيبتى العشر دقائق دول بتوع ابنك يكون فيهم الملك فى اختيار تلعبوا اية و تقولوا اية فى حدود الامان و تكونى صديقة حلوة و عسولة مش ماما تقول وضب ..نظم ... بلاش بهدله ... بالعكس اصحاب بنلعب مع بعض .. تتفقى معاه و تقولى له....حبيبى احنا هنعمل special time لمدة عشر دقائق ...و انت هتختار نلعب اية فيهم و اول ما يرن المنبه ..هاديك حضن كبير و نلم اللعب و نستنى لبكرة لل special time بتاع بكرة ان شاء الله ... - يعنى كدة هيسمع كلامى ؟؟ - كدة هتبنى علاقة حب و أمان ... كدة ابنك هيستنى الوقت علشان يتكلم معاكى .... هيحس انه مهم فى حياتك ... و بالتالى انتى كمان تكونى مهمه جدا فى حياته - ما انا بعمل كل حاجة لهم و بعدين انا عندى تلات اولاد ... هاقعد مع كل واحد لوحدة ...ازى يعنى؟؟ -ايوة فعلا ...انت بتبذلى اقصى ما عندك علشان اولادك ..بس ساعات زحمة الحياة و الالتزامات بتخلى اولادنا علطول شايفنا مشغولين عنهم ...حتى وقت ما احنا معاهم ..ماسكين التليفون او بنشتغل ... ما تنسيش فى العشر دقائق special time تقفلى الموبيل علشان تركيزك يكون مع ابنك 100 %... -و اولادى التانين اعمل ايه معاهم ؟؟ -اشغليهم فى حاجة لحد ما يعرفوا ان كل واحد فيهم هياخد وقته و يثقوا فعلا انك هتلعبى مع كل واحد لوحده ... - طيب انا عملت ال special time ...و لما رن المنبه ...ابنى عيط جامد جدا و عايز اللعب تانى .. - طبيعى جدا لو مبسوط هيعوز اكتر لعب ... احضنيه ساعتها و قولى له بكرة ان شاء الله انت شكلك كنت مبسوط و الوقت خلاص خلص ممكن بكرة نزود الوقت شوية ... و ممكن تزويدى الوقت شوية لو تحبى خليها ربع ساعة مثلا بس تانى يوم .... المهم الاستمرار و بعد عشر ايام لعب هتلاقى الفرق بجد ..هتلاقى انك عايزة special time اكتر منهم ... هيثقوا فيك و يقولوا لك اسرارهم و يسمعوا كلامك ...بس بلاش تخلى الوقت دة وقت للضغط عليهم و تهدديهم انكوا لو مش بتتصرفوا كويس مافيش لعب ...بلاش كدة ..عايزن حب مش تهديد ... - تمام طيب لو مراهق ؟؟ - فى وقت مقترح لل special time من 2 الى 7 سنوات ... عشر دقايق يوميا من 7 الى 10 سنوات ...نص ساعة اسبوعيا فوق 10 سنوات ..مراهقة يعنى ..مرة فى الشهر ... طبعا لو مراهق الوقت المخصص مهم اوى . ... فكرى فى حاجة المراهق بيحبها اوى اوى و مرة فى الشهر تكفى المراهق ....

لما تنادى على إبنك وميردش عليك .... إيه الحل

لما تنادى على إبنك وميردش عليك .... إيه الحل ؟؟؟؟ الموضوع بسيط جدا ... وعلى فكرة هو مش مطنشك ولا بيغيظك ولا مش بيطيعك .. .. تعالى نفسر لك بهدوءءءء .. بس المهم تكون هادئ علشان نقدر نستوعب مع بعض إبنك وإبنتك لما يكونوا بيلعبوا أو قاعدين بيسمعوا كرتون بيبقى كل حاجة عندهم مركزه مع اللى بيعملوه ... تعرف ليه؟؟؟ لان متعته وهوايته وحياته كلها فى اللعب او مثلا مشاهدة الكرتون مثلا .. فبيبقى مركز جدا جدا جدا بيبقى كل الخلايا العصبية والمخية مركزة فى اللعب لدرجة إنه يفقد حاسة السمع لأن كل التركيز منصب على اللعب ... هتقولى ايه اللى بتقول ده ؟؟؟؟ هقولك لو إنت أب وبتحب او هوايتك مثلا مشاهدة كرة القدة اولاً مش عايز حد يكلم جنبك ولو حد بالفعل نادى عليك مرة واتنين .. ويقولك انت ليه مش بترد عليا هتقوله هو انت ناديت عليا يقولك والله ناديت مرتين فبالفعل عندما نركز او نكون مشغولين فى حاجة بنفقد حاسة السمع وأوقات البصر كمان وتقوله والله مختش بالى والله .... فبالفعل اولادنا لما يكونوا بيلعبوا فهم يمارسون متعتهم وهوايتهم ... طبب بعد الرغى ده كله نعمل إيه؟؟؟ لازم تقرب منه وتلمسه علشان تقطع كل السلوك اللى متوصله ناحية اللعب او الكرتون بس اوعى تضربه علشان لتتكهرب منه خلى بالك ... تودد له .. وقوله حبيب قلبى ممكن يعمل لماما (لبابا) حاجة ويرجع يكمل لعبه .... ولو قالك ماشى هلعب اللعبة دى أو هسمع اللقطة قوليله ماشى ... طبعا اكيد مش هيجى ... هروح له تانى ... وبنفس الطريقة ... ولازم توفى بوعدك انه لما ييجى يبقى يكمل ... ... الموضوع ده تعمله كم مرة ... ثلاث مرات ... اذا لم يستجب إبدأ حذر ...(كده هتزعل ماما .(بابا) .. وماما لو زعلت ... ممكن يبقى مفيش لعب ... وماما هتزعل لو انت مش هتلعب ...لان ماما مش بتحب تزعل فلان منها.....وهكذا) طيب بعد ده وكل وجع القلب ده ومجابش نتيجة ... إبدأ فى اتخاذ قرار الحرمان ..اللى هو (سيبه يلعب وبعد ما يخلص خااااااالص ... خد قرارك بعد ما يخلص واحرمه من اللعبة مثلا غدا .. او مفيش كرتون لمدة يوم مثلا .....) ... إوعى تتنرفز وتتعصب وتعلى صوتك(يا بنى رد عليا ... حرام عليك وجعت قلبى ...ويا بنى .. ويا بنى .....) وبالتالى بتخسر نفسك وبتخسره هو ... خطوة منك له بسيطه وتخضنه وتتودد له تفرق كتير

🍺 *قاعدة الكوب المكسور * 🍻

💥سمعت الأم صوت كسر زجاج ،، فخرجت مسرعة خشية على طفلتها من الزجاج المتناثر .. فوجدت كوبًا مكسورًا ،، وقد تناثرت أجزاؤه على الأرض 🍺 أبعدت الأم ابنتها عن مجال تناثر الزجاج🍺 💥ولأن الكوب يرتبط بذكرى عزيزة على قلبها ،، فقد بدأت بجمع القطع الكبيرة التي يمكن بها إعادة بنائه من جديد🍻 أما القطع الصغيرة المؤذية قامت بجمعها بحرص ،، ووضعتها في كيس سميك كي لا تؤذي أحدًا ورمت بها في عمق سلة المهملات 💥عقب ذلك بدأت بمحاولة إصلاح الكوب بعناية ..ولكونها تمتلك حسًا ومعرفة فنية قامت بتزيينه ببعض الخامات المتوفرة في المنزل حتى صار تحفة فنية🍻صحيح أنه لم يعد يصلح للشرب فيه ،،ولكنها ستحتفظ به كذكرى جميلة وربما تستخدمه كمقلمية أو مزهرية ..🍻 💥وكذلك عندما ينكسر شيء ما في إحدى العلاقات الإنسانية العزيزة على القلب 💛 (صداقة قوية أو تآخي أو زواج ) فأول ما يجب عمله هو إبعادالأطفال وكل من سيتعرض للأذى إن بقي في مجال تناثر الأقوال والأفعال المؤذية.. 💥وبعد انتهاء مرحلة التناثر ،، يتم التركيز على لم الشمل باستدعاء المواقف الإيجابية وحسنات الطرف الآخر .. 💥أما ما تناثر أثناءالكسر من صغائرالأقوال والأفعال فيجب جمعها بحرص ووضعها في غلاف متين من المحبة يمنع وصول أذاها مرة أخرى .. ومن ثم إلقاؤها في أعمق نقطة في عالم النسيان .. 💥وما تم لمه بدايةً من المواقف الإيجابية والحسنات.. يُعاد بناؤه كهيكل جديد .. غالبًا ما ستظهر به بعض الثغرات والعيوب التي يمكن تجميلها بتعلم (أساسيات فن التعامل وحسن العِشْرة) والأهم من ذلك التركيز على مايحويه من ذكريات رائعة لمواقف جميلة جمعت بين أطراف العلاقة ربما لسنوات أو عقود عدة 💛 " * ولا تنسوا الفضل بينكم* " 💥* خلاصة القول* : ما أكثر الانكسارات في العلاقات بين البشر.. والانكسار لا يعني النهاية ،، وإنما بداية جديدة بشكل مختلف .. تعتمد على على نبذ السيء والتركيز على الحسن .. وتلك شيمة الكرام .. 💥 ليس في الدنيا .. ما يستحق أن نختلف عليه ولا أن نكره بعضنا لاجله !! فعنوان الدنيا : كل من عليها فان .. وعنوان الآخرة: خالدين فيهاحسنت مستقرومقاما فاعمل الخير .. وإصفح .. واعف .. وتغافل .. واستغفر كثيرا ...!! اللهم توفناوأنت راضٍ عنا !! 🍂🌷أسعد الله صباحكم🍂

شال كروشيه بالخطوات Crocheted shawl

المراهقة

المراهقة المراهقة هي الفترة التي تأتي بعد فترة الطفولة وهي من أصعب المراحل التي يمرّ بها الإنسان، فتحدث عنده تغييرات نفسيّة وفكريّة وجسدية، ويصعب التعامل مع المراهق وخاصّةً المراهق العنيد الذي تزيد عنده سرع الغضب، إلا أنّنا سنتناول في هذا المقال مجموعة من النصائح التي ستساعد الكثير على التعامل مع هذه الحالة بشكل سليم دون أي صعوبة. كيفيّة التعامل مع المراهق العنيد الاحترام: 1- يجب معامله الشخص المراهق باحترام وعدم التقليل من شأنه لكي يتعلّم هو أيضاً كيف يحترم الآخرين ويحترم أهله وأصدقائه فلا يجب الإنفعال سريعاً لتصرفاته واحراجه أمام الجميع. 2- الثقة: يجب تعزيز ثقة المراهق دائماً عندما يقوم بعمل جيداً، لزرع الثقة به ويجب إعطاؤه فرصة ليثبت نفسه وعدم التفتيش في أغراضه الخاصة وإعطائه الثقة بأنّه قادر على أن ينجز مهامه وحده. 3- تقديم المساعدة والمساندة: يجب عدم التحكّم في كلّ شيء يخص حياة المراهق، وتقديم دائماً المساعدة والنصيحة عندما هو يطلب ذلك وترك له القرار النهائي. 4- التواصل: يجب وجود حوراً دائماً بين المراهق وأهله عما يدور في ذهنه، وتقع هذه المسئولية على عاتق الأم فيجب أن تكون قريبه من ابنها أو ابنتها وتنصت لهم، فوجود الأهل لا يعني دائماً تلقين المهام والأمور التي يجب تنفيذها بل يتوجب سماع ما قام به المراهق في يومه، ويجب تعليمه على ذلك منذ الطفولة وعند عدم رغبة المراهق في الكلام فلا يجب الضغط عليه. 5- الأصدقاء: يجب ترك المراهق أن يختار أصدقائه بنفسه مع توجيه النصائح واحترامه أمامهم وتعزيز الثقة بينهم. 6- المجتمع: يتأثر المراهق من المجتمع الذي يحيط به فيلتقي بالعديد من الأصدقاء في الشارع أو المدرسة أو النادي ويختلفون في تصرفاتهم، والبيئة، لذلك لا يجب منع المراهق من الخروج والاختلاط بل تعليمه من هم رفقاء السوء الذي يجب أن يبتعد عنهم حتى لا يتسببوا له بالمشاكل 7- حدود واضحة: يجب معرفة المراهق لقوانين البيت وما هو مسموح وما هو ممنوع بوضوح وبوجود قوانين يتقبلها المراهق ولا تكون متشددة كثيراً. 8- المسؤولية: المراهق قادر على تحمل المسؤوليات الصغيرة ومسؤولية نفسه، فهو أصبح في سن النضوج لذلك يجب أن يتحمل مجموعة من المسؤوليات التي تجعله يثق في نفسه بشكل أكبر. 9- تفهم الاحتياجات: يجب تفهم احتياجات المراهق، فيجب تلبية هذه المتطلبات وعدم مناقشته عندما يشعر بالغضب وتركه يجلس وحيداً حتى يهدأ. 10- استخدام أسلوب الحزم وليس القسوة: يجب الابتعاد عن الصراخ على المراهق وضربه والاكتفاء بمعاقبته عند الخطأ وتعليمه الصواب ويجب أن يعلم ما هو السبب وراء معاقبته.

مفرش كروشيه بالخطوات Crochet Doilie