ابنى سخن ،، اعمل إيه

ابنى سخن ،، اعمل إيه 😢 ١. معلومات لا بد منها !! ************************** * سبب ارتفاع الحرارة سبب خارجى كالجو الحار جداً والرطوبة العالية مع زيادة الملابس ( ملبّساه الدولاب كلُّه!! ) ،، أو داخلى كالأمراض الفيروسية والبكتيرية وزيادة نشاط الغدد وغيرها ،، يعنى نهدا كده خالص ومنقلقش ممكن يكون مش تعبان أساساً ،، تمام ؟؟ :) * طالما الطفل بيلعب ،، بيجرى ،، بياكل ويشرب ،،مش " همدان " ،، يبقى منقلقش خالص ،،لمعلوماتكم،، الحرارة ذات نفسها مش مضرة طول ماهى تحت ٤٠،٥ ،، تخيلوا !! * لأ ،، استخدام خافض الحرارة والكمادات لا يحمى او يمنع حدوث تشنجات حرارية للأطفال العاديين ،، أما الأطفال المتعودين على التشنجات المتكررة مع الحرارة دول بس اللى بنقلق وننزلها بسرعة ،، بالعربي كده ،، لو ابنك مجالوش تشنجات حرارية قبل كدة متقلقيش من الحرارة واتعاملى بهدوء ،، واضح :) ٢. مهم أوى نعرف نقيس الحرارة ازاى ،، ****************************************** الترمومتر الزئبقى لمدة ٢-٣ دقائق أو الرقمى لغاية ما يصفّر، تحت الإبط ونزود نصف درجة ، أو داخل فتحة الشرج ونطرح نصف درجه أو في الفم تحت اللسان من غير زيادة أو نقصان . لو هتجسّي باليد يبقى ضهر اليد على البطن او تحت الإبط . ٣ . اتصرّف ازاى ؟؟ *********************** * زى ماقولنا تحت ٣٨،٥ والطفل لطيف ولذيذ وبيلعب ،، ولا حاجه ! ،، حضرتك هتخففى اللبس لطبقة واحدة ،، تهوى الغرفة والبيت كويس ،، تشغلى مروحة أو تكييف على ٢٤ ،، نشرب الطفل سوايل كتير عشان ميحصلش جفاف ،، وتسيبى الطفل يلعب عادى بلاش ننيمه في السرير و نعيشه في دور التعبان وماكانش يومك يا ضنايا والجوّ ده :) * الحرارة >٣٨،٥ كمان منقلقش ،، نستخدم خافض حرارة بالفمّ ،، زى باراسيتامول وايبوبروفين بمختلف أسمائهم التسويقية ،، والجرعة حسابها سهل جداً ،، احسبي وزن الطفل واقسمى الرقم على ٣،، والناتج هو عدد المليمترات المطلوب اعطائها من الدواء كل ٦ أو ٨ ساعات حسب الحالة .( مثال : طفل وزنه ٩ كيلو . اقسمى على ٣ = ٣ مل بروفين كل ٦ ساعات). * نلاحظ ان باراسيتامول آمن منذ الولادة ،، بروفين منذ ٦ أشهر ،، دولفين أو فولتارين لبوس لا يُنصَح بيهم علمياً قبل سن ٥ سنوات . * التبديل بين باراسيتامول والبروفين مشهور جداً مش بس في مصر لأ وفي كل العالم الصراحة ،، وعملو أبحاث خاصة عليه ،، ولقوا ان بيحصل منه مشاكل في لخبطة الجرعات ،، والآثار الجانبية للتبديل ما بينهم لم تُدرَس بعد عشان كده مبينصحوش بالتبديل ،، عن نفسي ،، مش ببدّل . *الدولفين لبوس ممنوع تماما في أنيميا الفول ،، وممنوع في حالة الحساسية الشديدة فقط أو التهابات الأنف المزمنة ،، أما حالات الحساسية البسيطة فمسموح بالطبع ،، ولمعلوماتك ،، نسبة " ضيق الشعب الهوائية" مع استخدامه لا تتعدى ٢-٥٪ فقط وفي الحساسية الشديدة . يعنى ممكن يتاخد تحت اشراف الطبيب . * موضوع ان الخافض او اللبوس مبيشتغلش فى حرارة > ٣٩ ده وهم على فكرة :) هوا بيشتغل ،، بس بعد نصف ساعة ،، عشان كده اقروا الكلام اللى تحت ده :) ٤. لسّه الحرارة منزلتش ؟؟؟ **************************** * أصلاً أبحاث اتعملت أكدت على ان استخدام الماء الفاتر مع خافض الحرارة بيجيب نتايج هايلة أول نص ساعة بالمقارنة بالخافض لوحده ،، علشان كده تعالو نعرف مع بعض ازاى ننزل الحرارة بشكل علمى سليم من غير ما نؤذى أطفالنا زى ما الأكاديمية الأمريكية لطب الأطفال بتشرح لنا : ( نملا البانيو او الحوض بارتفاع ١٠ سم بمياه دافية قليلاً ( حسيها بضهر الإيد) ،، نقعد البيبي فيه ،، بسفنجه أو قطن نحمي الجذع كله يعنى الصدر والظهر والبطن ،، والذراع والرجل كلها ،، لمدة خمس دقائق ،، لأ ،، الرأس مش مطلوبه ،، نبعد عن الماء الساقع ، الثلج ،، كل ده بيزود الرعشه ويزود الحرارة ،، وممكن يعمل صدمة لا قدر الله ويوقف القلب ،، نبعد عن الكحول ،، لإن استنشاقه ممكن يؤدى للإغماء وحصل فعلاً !) ٥. أهم حاجه يا ماميز ********************** نعرف إن الحرارة دى شئ ممتاز ، دى نتيجة خناقة مابين جهاز المناعة والميكروب ،، يعنى مناعة طفلك كويسة جداً،، نعرف كمان إن غلط جداً تغطية الطفل عشان شايفاه بيرتعش ،، أو عشان يعرق فيخفّ ،، كل ده بيزود الحرارة ومش مطلوب والله . ٦. معظم أسباب الحرارة فيروسية ،، ************************************** عشان كده ،،إوعى تدّى طفلك أنتى بيوتك إلا بعد الكشف وتحديد اذا كان محتاج أو لأ ، بشوف أطفال كتير جدا واخدين جرعات غلط ،، جرعات ناقصة ،، وده بيؤدى لتوحش الميكروب ،، ومقاومته للعلاج !! ٧. خدوا المفاتيح دى هدية منى - لا تغنى طبعا عن الكشف - :) ******************************************** *حرارة + رشح وكحة خفيفة = برد عادى يعنى! *حرارة + احتقان جامد ورفض اكل تماما وحيل = التهاب حلق بكتيرى غالباً! *حرارة + إسهال = نزلة معوية ! *حرارة + كحة شديدة ونهجان شديد وزيادة معدل التنفس = التهاب رئوى غالباً! *حرارة + ألم تبول = التهابات مسالك بولية!

العابد والمجنون

.. مر مجنون على عابد يناجي ربه وهو يبكي والدموع منهمرة على خديه وهو يقول: ربي لا تدخلني النار فارحمني وأرفق بي . يا رحيم يا رحمان لا تعذبني بالنار . إني ضعيف فلا قوة لي على تحمل النار فارحمني . وجلدي رقيق لا يستطيع تحمل حرارة النار فارحمني . وعظمي دقيق لا يقوى على شدة النار فارحمني . ضحك المجنون بصوت مرتفع فالتفت إليه العابد قائلاً : ماذا يضحكك أيها المجنون ؟؟ قال كلامك أضحكني . وماذا يضحكك فيه ؟ لأنك تبكي خوفا من النار . قال وأنت ألا تخاف من النار ؟؟ قال المجنون : لا. لا أخاف من النار . ضحك العابد وقال صحيح أنك مجنون . قال المجنون : كيف تخاف من النار أيها العابد وعندك رب رحيم رحمته وسعت كل شيء ؟ قال العابد : إن علي ذنوبا لو يؤاخذني الله بعدله لأدخلني النار وإني ابكي كي يرحمني ويغفر لي ولا يحاسبني بعدله بل بفضله ولطفه ورحمته حتى لا أدخل النار ؟؟ هنالك ضحك المجنون بصوت أعلى من المرة السابقة . انزعج العابد وقال ما يضحكك ؟؟ قال أيها العابد عندك رب عادل لا يجور وتخاف عدله ؟ عندك رب غفور رحيم تواب وتخاف ناره ؟؟ قال العابد ألا تخاف من الله أيها المجنون؟ قال المجنون بلى , إني أخاف الله ولكن خوفي ليس من ناره .. تعجب العابد وقال إذا لم يكن من ناره فمما خوفك ؟؟ قال المجنون إني أخاف من مواجهة ربي وسؤاله لي : لماذا يا عبدي عصيتني ؟؟ فإن كنت من أهل النار فأتمنى أن يدخلني النار من غير أن يسألني فعذاب النار أهون عندي من سؤاله سبحانه .. فأنا لا أستطيع أن أنظر إليه بعين خائنه وأجيبه بلسان كاذب .. إن كان دخولي النار يرضي حبيبي فلا بأس . تعجب العابد واخذ يفكر في كلام هذا المجنون .. قال المجنون : أيها العابد سأقول لك سر فلا تذيعه لأحد . ما هو هذا السر أيها المجنون العاقل ؟ أيها العابد إن ربي لن يدخلني النار أتدري لماذا ؟؟ لماذا يا مجنون ؟ لأني عبدته حباً وشوقاً وأنت يا عابد عبدته خوفا وطمعاً .. وظني به أفضل من ظنك ورجاءي منه أفضل من رجاءك فكن أيها العابد لما لا ترجو أفضل مما ترجو فموسى عليه السلام ذهب لإحضار جذوة من النار ليتدفىء بها فرجع بالنبوة .. وأنا ذهبت لأرى جمال ربي فرجعت مجنونا ً ذهب المجنون يضحك والعابد يبكي ...... ويقول لا اصدق أن هذا مجنون فهذا أعقل العقلاء! وأنا المجنون الحقيقي فسوف اكتب كلامه بالدموووووووع .. قال أمير المؤمنين علي (كرم الله وجهه): كن لما لا ترجو أرجى منك لما ترجو!.. فإن موسى بن عمران خرج يقتبس لأهله نارا، فكلّمه الله تعالى فرجع نبيّا.. وخرجت ملكة سبأ كافرة، فأسلمت مع سليمان.. وخرج سحرة فرعون يطلبون العزة لفرعون، فرجعوا مؤمنين.. إلهي! كيف أنساك ولم تزل ذاكري ؟؟ وكيف ألهو عنك وأنت مراقبي